الوصايا #1

شوفتنى وأنا ببصلك إمبارح يا أحمد !؟ إنت كنت بتعيط ومعرفش إنت سمعتنى ولا لا وأنا بقولك ليه يا أحمد جيت هنا, أنا عارف إنى مش من حقى إن أمنعك أو أمنع أهلك إنهم يفرحوا بيك زى ما بيقولوا بس إنت عارف بقى أول كدبة كدبوها عليك وعلى نفسهم إنك جاى ومعاك رزقك. السماء مبتأكلش حد و مبتساعدش حد و إنت للأسف حتفضل عبء عليهم لحد ماتكبر بس معلش كل حاجة وليها تمن. سامحنى إنى مكنتش موجود وهما بيكبروا في ودنك لو كنت موجود كنت سمعتك آى موسيقى عشان من صغرك تعرف إن الموسيقى هي الحاجة الوحيدة اللى فعلا مقدسة.

خلينى أقولك كام حاجة وصلتلها مع إنى عارف إنى لسا صغير نوعا ما ومعنديش خبرات كتير بس إسمع منى بس أهم حاجة متصدقنيش وإرمى آى كلام بيتقالك في الزبالة وشوف اللى إنت بس عاوز تشوفه. أول حاجة لا إنت إخترت إنك تيجى ولا أبوك وأمك إختاروك يا أحمد, فتعامل على إنك تبنى بينك وبينهم حب بعيدا عن إنه أبوك وإنت إبنه وحقيقى أنا لحد الأن مش فاهم الموضوع دا بس أنا واثق إنك حتفهمه. وخليك فاكر يا أحمد إن اللى يقولك إن هنا في عدل كداب مفيش عدل ولا في قوانين حاكمه آى شيء الوضع عبثى لدرجة الجنون وكل دورك إنك تحصل على أكبر قدر من كل حاجة بس خلينى أبقى صادق معاك وأقولك إن إحتمالات النجاة من العبث قليلة. حيقولولك بص للسماء و إسمع الكلام عشان تخش الجنة وربنا يحبك قولهم متقولوش حاجة على ربنا هو مقلهاش مفيش حاجة لحد دلوقتى في السماء يا أحمد ليها معنى كل اللى فيها فراغ بيبلع آى مظهر للحياة وشوية معادلات بتحاول تعرف إحنا جينا هنا من إمتى وإزاى.

خلينى أقولك على كام حاجة صغيرة أوعى تعملها عشان أنا بعملها وعشان كدا أنا فاشل لسا يا أحمد, خليك جدى في أي حاجة بتعملها وكمل كل حاجة للأخر حتى لو غلط, صحيح لما تكبر وتحاول تفهم الدنيا مفيش حاجة إسمها حلال وحرام وفطرة إعمل إنت الحلال والحرام بتوعك اللى يناسبوك وبالمرة إبعد عن الفشل اللى إسمه رجال الدين يا أحمد مفيش أجهل من حد بيتكلم بإسم الله. إتعب يا أحمد مفيش هنا حاجة إسمها راحة الدنيا دى عبارة عن صراع بقاء والبقاء فيها للأصلح والأقوى بس فإعمل حسابك على إن محدش حيساعدك ومحدش أبداً مهتم إذا إنت كويس وسعيد ولا لا. أنا مش حطول عليك المرة دى بس المرة الجاية حنتكلم وأكتبلك تانى بس خلى أهم قاعدة في دماغك إن كل اللى إنت شايفه حواليك في الأرض دا اللى عمله بشر زيك بس أذكاء منك خليك إنت كمان أذكى وأعمل العالم بتاعك. أخر حاجة أنا زعلان منك يا أحمد عشان خلتنى إتعلقت بيك وأنا مبحبش أتعلق بحد يا أحمد أنا عاوز أموت وأمشى من هنا خفيف خفيف.

سلاماً عليك يا أحمد يوم ولدت ويوم تموت ويوم تبعث حيا ..

1 comment
  1. Salma Asks said:

    ف يوم م الايام احمد هينبسط لما يقرا الكلام دة، وانت كمان هتنبسط لما تلاقي للحياه معنى أجمل تكتبله عنه :)

Leave a Reply | اترك التعليق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: