الفَتى بأسم الدين

كالعاده اسم الدين هو سِتار اى فتى و هرى ومعلومات مغلوطه للناس و طبعا عشان هى ذو طابع دينى فا مينفعش تعدل او تنقد الكلام دا حتى لو مافيهوش ريحة المنطق. بس الموضوع المره دى مختلف انا مش هتكلم عن شيوخ البزينس ولا شباب الدعوه بتوع سفريات اوروبا وتركيا والماركات وكل الكلام دا ,الموضوع ببساطه انى لقيت ناس كتير بتتكلم عن برنامج الرائع معز مسعود “على حسب كلامهم” وقد ايه البرنامج بتاعه كويس و يحط على اى فكر مختلف و يحط على دوارين ونظريته الى كتبها بحسب وجهه نظر معز لما بنته ماتت. فقررت اشوف البرنامج دا يمكن اغير وجهه نظرى عن الناس دى. البرنامج اسمه “رحله اليقين” على الجمهوريه تى فى,اسم فى اول الامر يجعلك تحس ان فعلا البرنامج دا مختلف.بدأت اتفرج والاقى فى وصف كل حلقه ان الوصف مكتوب حلو جدا وتلاقى الحلقه نفسها مافيهاش اى حاجه من المكتوب تحتها وان الكلام كله سطحى ومبتذل بشكل مقزز و ان الكلام دا حقيقى ميقنش مراهق عنده 16 سنه عندى تساؤلات فى عقيدته. دى اول حاجه ان محتوى البرنامج كله كان مُنصَب على ان اى فكر مختلف هو فكر مادى همجى وان اصحابه بيهربو من اى واجبات عليهم و ان السبب الى ممكن يخلى الناس تشوف فكر تانى ان فى بعض الشيوخ وصلو الدين غلط وبطريقه تنفر منه. طبعا الكلام دا مكنش طريقه نقاش ولا فى شئ من الحياديه فى تناول حتى الاراء الاخرى,تانى حاجه ان الف به نقاش انك مينفعش تناقش حد فى مؤمن بدينك ومعتقدك ويسألك وتجبله إجابات من معتقدك دا المفروض ترد عليه بالمنطق بتاعه مش بتاعك ودا طبعا محصلش فى البرنامج كله. اخر حاجه كان ضيوف البرنامج الى معرفش تم إختيارهم على اساس ايه زى معتز الدمرداش واحمد العسيلى الى كل الى قاله فى البرنامج انى مكنتش بفكر فى حاجه والموضوع دا مجاش فى بالى… طيب واحد زى دا جبته ضيف فى البرنامج ليه !! وبرضو امير بتاع كايروكى الى كل كلامه كان انه نفسه يقرأ القرأن!! ايه علاقة الكلام دا برحله اليقين وتثبيت العقيده. فقررت كالعاده اكتب رأيى دا على تويتر بطريقه العاديه ..

from my tweets

from my tweets

كتبت كام تويته فيها رأيى و من غير منشن لمعز ولا اى حاجه … و الاقى ان مره واحده هو ساب كل الكلام و مردش حتى عليا و عمل رتويت لتويته من نص الكلام

10

لتبدا بقى حمله من شتيمه و حاجات كدا غريبه .. نص التويته كان “ياحول الله يارب شوفو معز مسعود سبب كام ملحد بسبب البرنامج المتخلف بتاعه”

معرفش ليه معز ساب كل الكلام وعمل رتويت ليه دى بس دى كانت امثله من ردود الناس

1 2 3 4 5 6 7 8

اخر حاجه ياريت الناس متبقاش بتاخد كلام اى شخص مهما كان كدا و تفكر فيه ومافيش بشر مقدس …

Leave a Reply | اترك التعليق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: